Kelsa Navro'z

Pardoz qilib yuzgacha,
Tashvishlari o'zgacha.
Kampirdan to qizgach
Oynab kular muloyim-
Kelsa Navro'z - Guloyim.
 
Barg yozib ishkomgacha,
O'rmalaydi tomgacha.
Yalpizdan bodomgacha
Bo'y taratar muloyim-
Kelsa Navro'z - Guloyim.
 
Qahri ketib qishgacha,
Yumshab ketar toshgacha.
Chumolidan qushgacha
Rizq teradi muloyim-
Kelsa Navro'z - Guloyim.
 
Yomg'irdan to do'lgacha,
Anhordan to ko'lgacha.
Samodan sohilgacha
To'lib oqar muloyim-
Kelsa Navro'z - Guloyim.
 
Qozonlar og'izgacha,
Liq bo'za, qimizgacha.
Navro'zdan Navro'zgacha-
Toti qolar muloyim-
Kelsa Navro'z - Guloyim.
 
Maqsuda Karimova