Soʻnggi qoʻngʻiroq

Tongdan boshlanadi sinfda qiy-chuv,
Qishda qor, yozda sepishardik suv,
Endi ogʻir boʻldi xayrlashuv,
Oʻn yil boʻlib hamma doʻst-oʻrtoq,
Ajratadi soʻnggi qoʻngʻiroq.

Algebradan olgandik tanbeh,
Yecholmayin tenglamani, eh,
Bu damlarga hech yoʻqdir tashbeh,
Tuyuladi boʻlib sal ogʻirroq,
Ajratadi soʻnggi qoʻngʻiroq.

Ilk muhabbat qalbda joʻsh urib,
Aytmoqlikka iymanib turib,
Daftar bahona, xatlar berib,
Sevgi xatlari javobsiz, soʻroq,
Ajratadi soʻnggi qoʻngʻiroq...

Feruza QODIROVA
                     24.05.2021