Tez-tez tabassum qiling va baxtli boʻling!

27 июнь 2021

345

Qadrli doʻstlar! Tez-tez tabassum qilib turish insonga nafaqat goʻzallik baxsh etadi, balki bu siz uchun judayam foydali ekanini bilasizmi?

Shunday qilib, tez-tez tabassum qilib turishning foydasi haqida bir oʻrtoqlahsamiz:
- Tabassum (hatto majburiy tarzda boʻlsa ham) kayfiyatingizni koʻtaradi – psixologlarning taʼkidlashicha, uyqusirab, oʻzingizni zoʻrlab tabassum qilsangiz ham, kun davomida kayfiyatingiz aʼlo boʻladi.

___________________________________________________________________________________________________________

- Tabassum qilish salomatlikni mustahkamlaydi. Tabassum paytida va samimiy kulishdan keyin tanamiz bir muddat boʻshashadi va ijobiy his-tuygʻular jismoniy holatida aks etadi, stress holati yoʻqoladi, tanamiz kuch toʻplaydi, immunitetimiz yaxshilanadi. Bundan tashqari, tabassum va kulgu tufayli bilvosita yurakning uqalanishi va oʻpka- nafas olish yoʻllarining ventilyatsiyasi amalga oshadi. Bu diafragmaning faol ishlashiga taʼsir koʻrsatadi. Quvnoq odamlarda nafas olish-nafas chiqarishda muammolar kamroq boʻladi.

___________________________________________________________________________________________________________

- Tabassum yuqumli boʻlib, yaqin atrofda kimdir esnaganda yoki tabassum qilganda aks taʼsir koʻrsatadi. Siz bexosdan mazkur harakatni takrorlashga harakat qilasiz. Dunyoga tabassum qiling va dunyo ham siz kabi tabassum qiladi!
- Tabassum qilish stressni kamaytiradi – tabassum paytida kortizol ishlab chiqarilishi sekinlashadi, baxt gormoni endorfin ishlab chiqarila boshlaydi.

- Tabassum ogʻriqni kamaytiradi, chunki buyrak usti bezlarida kortizol va miyada endorfinlar sintezini boshlaydi. Ushbu gormonlar kuchli ogʻriq qoldiruvchi va stressga qarshi taʼsirga ega, qon bosimini normallashtiradi va jarohatlarning bitishi tezlashadi.
- Tabassum yuzning mushaklarini harkatga keltiradi – tabassum paytida 53 ta yuz mushaklari ishlaydi, ular kuchayadi, qon aylanishi yaxshilanadi, shuning uchun tabassum terining yoshligini saqlab qolishga ham yordam beradi.

- Tabassum ham bu universal til. Hatto ingliz yoki fransuz tillarida bitta soʻzni bilmasangiz ham, suhbatdoshingizga shunchaki jilmayib qarab, uni oʻzingizga osonlikcha ogʻdirib olishingiz mumkin.
- Nihoyat, tabassum umringizni uzaytiradi!