Davlat mukofotini olganlarga qancha miqdorda pul mukofoti berilishini bilasizmi?

Bir necha kundan beri xalqimiz ichidan juda koʻpchilik davlat mukofotlarini qabul qilmoqda. Xoʻsh, bu mukofotlar faqat obroʻ uchunmi, moddiy foydasi bormi degan savol tugʻilishi mumkin. Pul mukofotlari ham bor, albatta. Qonunchilikka koʻra,  “Xalq” va “Xizmat koʻrsatgan arbob” faxriy unvonlariga eng kam oylik ish haqining 3 baravari, “Xizmat koʻrsatgan artist” uchun 1,8 baravari, “Xizmat koʻrsatgan” unvoni bilan boshqa kasbdagilarga 1,6 baravar miqdorida toʻlovlar beriladi. 
Qolgan mukofotlar uchun toʻlovlar qanday? 
Bazaviy hisoblash miqdori - BHI
“Mustaqillik” ordeni – BHM 75 baravari miqdorida;
 “Amir Temur” ordeni – BHM 70 baravari miqdorida;
 “Jaloliddin Manguberdi” ordeni – BHM 60 baravari;
 “Buyuk xizmatlari uchun” ordeni – BHI 60 baravari;
 “El-yurt hurmati” ordeni – BHM 50 baravari;
 “Fidokorona xizmatlari” ordeni – BHM 45 baravari;
 “Mehnat Shuhrati” ordeni – BHM 40 baravari;
 1-darajali “Sogʻlom avlod uchun” ordeni – BHM 40 baravari;
 2-darajali “Sogʻlom avlod uchun” ordeni – BHM 25 baravari miqdorida;
 1-darajali “Shon-sharaf” ordeni – BHM 40 baravari;
 2-darajali “Shon-sharaf” ordeni – BHM 20 baravari;
 “Doʻstlik” ordeni – BHM 30 baravari;
 “Mardlik” ordeni – BHM 15 baravari;
 “Sodiq xizmatlari uchun” medali – BHM 10 baravari miqdorida;
 “Kelajak bunyodkori” medali – BHM 10 baravari miqdorida;
“Jasorat” medali – BHM 10 baravari miqdorida;
“Shuhrat” medali – BHM 5 baravari miqdorida bir martalik mablagʻ toʻlanadi.

️Bu toʻlovlar mukofot egasining shaxsan oʻziga toʻlanadi.

Endi savol tugʻiladi: mukofotlangan shaxslarning ichida marhumlar ham bor edi-ku. Ularning vaziyatida nima boʻladi? Shaxs vafot etgandan keyin mukofotlangan taqdirda bir yoʻla toʻlanadigan pul mukofoti mukofotlangan shaxsning yaqin qarindoshlaridan biriga toʻlanadi.
Izoh: Mustaqilligimizning 30 yillik munosabati bilan Prezident Shavkat Mirziyoyevning tegishli farmoniga asosan 4 kishiga “Oʻzbekiston Qahramoni” unvoni berilib, oliy nishon — “Oltin yulduz” medali topshirildi.
Muhammad Ahmedov — Buxoro viloyati “Madaniyat Muhammad Ismat” fermer xoʻjaligi rahbari;
Shavkat Ayupov — Oʻzbekiston Fanlar akademiyasining Matematika instituti direktori;
Ibrohim Gʻofurov — Yozuvchilar uyushmasi aʼzosi;
Munojotxon Yoʻlchiyeva — Oʻzbekiston davlat konservatoriyasi kafedra mudiri.