Sudyalar oliy kengashi tarkibidagi yangi o’zgartirishlar

“O'zbekiston Respublikasi Sudyalar oliy kengashi to`g`risida”gi Qonunga o`zgartirish va qo`shimchalar kiritish haqida”gi qonun qabul qilindi.
Ma’lum qilinishicha, qonun bilan quyidagi o’zgartirish va qo’shimchalar kiritildi:
Sudyalar oliy kengashi (keyingi o’rinlarda – Kengash) tarkibidan huquqni muhofaza qiluvchi organlar chiqarib tashlandi. Kengash raisining o’rinbosari Prezident tomonidan tayinlanadi hamda o’z faoliyatini jamoatchilik asosida (ilgari – doimiy asosda) amalga oshiradi.
Kengashning asosiy vazifalari kengaytirildi, ular jumlasiga quyidagilar ham kiritildi:
-sudyalar orasida korrupsiya holatlarining oldini olish va ularni barvaqt aniqlash bo’yicha chora-tadbirlar ko’rish;
-sud tizimida aniqlangan har bir korrupsiya holatini ko’rib chiqish va prinsipial baholash;
-Kengashning hamda sud tizimining faoliyatida ochiqlik va shaffoflikni ta’minlash bo’yicha chora-tadbirlar ko’rish;
-rahbar sudyalik lavozimlariga ko’rsatish uchun munosib sudya kadrlarni tanlab olish, shuningdek ularni rag’batlantirish va mukofotlash masalasi yuzasidan tashabbus ko’rsatish.