Toshkent — Shahrisabz poyezdi yoʻnalishi oʻzgardi

Qayd etilishicha, yoʻlovchilar talablarini inobatga olib, ularga yanada koʻproq transport xizmatlarini koʻrsatish maqsadida 2021-yil 20-21-oktyabr kunlaridan boshlab, Toshkent — Shahrisabz — Toshkent yoʻnalishida harakatlanadigan 4/3 sonli yoʻlovchi poyezdining harakat jadvaliga oʻzgartirish kiritiladi.
Hozirgi kunda Toshkent markaziy temir yoʻl vokzalidan harakatlanayotgan 4-sonli Toshkent — Shahrisabz yoʻlovchi poyezdi joriy yil 20-oktyabrdan boshlab yangi jadval asosida soat 18:50 da joʻnaydi. Shuningdek, joriy yil 21-oktyabrdan Shahrisabz — Toshkent yoʻnalishida harаkatlanayotgan 3-son yoʻlovchi poyezdi soat 05:31 da Shahrisabz temir yo`l vokzalidan qatnay boshlaydi.
Ma’lumot uchun: hozirda 4-sonli Toshkent — Shahrisabz yoʻlovchi poyezdi Toshkent markaziy temir yoʻl vokzalidan soat 09:00 da, Shahrisabz — Toshkent yoʻnalishida harаkatlanayotgan 3-son yoʻlovchi poezdi Shahrisabz temir yoʻl vokzalidan soat 17:04 da joʻnamoqda.