“Brilliant qoʻlli” yoʻlovchi hibsga olindi

 Toshkent xalqaro aeroportiga xorijdan uchib kelgan yoʻlovchilar orasidagi shaxslardan birining “yashil” yoʻlak orqali harakatlanayotib, bezovtalanishi bojxonachilarning diqqatini tortgan.

 Yoʻlovchi bojxona postidagi bodi-skaner qurilmasi orqali koʻzdan kechirilganida, oʻng qoʻliga oʻrnatilgan protez orasiga 75 gr. ogʻirlikdagi qiymati 23.6 mln soʻmlik zargarlik buyumlari yashirilganligi malum boʻlgan.

 Yana bir yoʻlovchi esa umumiy qiymati 15,8 million soʻmlik 58 gr. ogʻirlikdagi zargarlik buyumlarini choʻntaklariga yashirib, yashil yoʻlakdan oʻtmoqchi boʻlgan vaqtida qoʻlga olingan.

 Hozirda mazkur holatlar yuzasidan bojxona organlari tomonidan surishtiruv harakatlari davom ettirilmoqda, deb xabar beradi human.uz.