Maktab o’quvchilari o’rtasidagi katta janjalning oldi olindi

2021-yil 10-iyul kuni taxminan soat 20.30 larda navbatchilik qismiga Mirobod tumanidagi Shahrisabz va Istiqlol koʻchalari kesishmasida bir nechta yosh yigitlar toʻplanganligi hamda oʻzaro munosabatlarini hal qilishayotganligi, ularning bu mojarosi katta janjalga aylanib ketishi mumkinligi haqidagi xabar kelib tushgan. Hodisa joyiga tezkorlik bilan yetib kelgan ichki ishlar organlari xodimlari oʻnlab voyaga yetmaganlarni – 8,9,11-sinf oʻquvchilari oʻzaro bahslashayotganligini aniqlashdi. Sodir boʻlgan voqeaning sabablarini oʻrganish maqsadida ularning barchasi Yashnobod tumani IIO FMB ga olib kelingan.
Mojaro ishtirokchilaridan birining Toshkent shahar IIBB xodimlariga maʼlum qilishicha, munosabatlarni hal qilishiga ijtimoiy tarmoqlarda raqibi uning shaʼni va qadr-qimmatini kamsitganligi sabab boʻlgan. Bu haqda IIBB xabar berdi.
Toshkent shahar IIBB xodimlari voyaga yetmaganlar bilan roʻy bergan hodisa haqida ota-onalariga xabar berishdi va ularning ishtirokida profilaktik suhbat oʻtkazishdi,.
Sodir boʻlgan holat boʻyicha tekshiruv davom ettirilmoqda.