Tugʻilmagan bolaga 5 mln soʻm yoki jinoyatchi ona

Navoiy viloyati Karmana tumanida fuqaro hali tugʻilmagan 36 haftalik farzandini 5 million soʻmga sotayotgan paytida qoʻlga olindi. Bu haqda “Zamon” informatsion dasturida xabar qilindi.
Maʼlum qilinishicha, tumanning Doʻrman qishlogʻida yashovchi 20 yoshli N. ismli fuqaro hali tugʻilmagan 36 haftalik chaqalogʻini 5 million soʻm evaziga sotishga uringan. Aniqlanishicha, u turmushga chiqmagani sababli qornidagi farzandini tugʻilmasidanoq sotib yuborishga qaror qilgan. Tergov harakatlari davomida u kelishilgan pulning 2 million soʻmini olayotgan vaqtida daliliy ashyolar bilan ushlangan.