Maktab o’quvchisi kaltaklandi

Samarqand viloyatining Payariq tumanida matematika oʻqituvchisi 8-sinf oʻquvchisini kaltakladi. Bu haqda “Daryo” xabar berdi.
Maʼlumotlarga koʻra, voqea talaba hojatxonadan sinfga qaytganida sodir boʻlgan. Oʻqituvchi 8-sinf oʻquvchisini oyogʻiga yogʻoch koʻrsatgich bilan kech qolgani uchun urgan. Natijada bolada koʻkarishlar paydo boʻldi.
Keyinroq Samarqand viloyati IIB ishchi guruhi bilan birgalikda voqea yuzasidan talaba onasining murojaatini oʻrganib chiqdi. Surishtiruv Payariq tumanida joylashgan 75-umumtaʼlim maktabida oʻtkazildi.
Qayd etilishicha, matematika oʻqituvchisi intizomiy jazo olgan va shu qatorda u oʻz lavozimidan ozod qilingan.