O’zbekiston korrupsiyaga qarshi!

Birlashgan millatlar tashkiloti tomonidan 2003-yil 31-oktyabr kuni qabul qilingan rezolyutsiyaga muvofiq, 9-dekabr — Xalqaro korrupsiyaga qarshi kurashish kuni deb eʼlon qilingan.
Butunjahon iqtisodiy forumi maʼlumotiga koʻra, korrupsiya sababli jahon iqtisodiyoti har yili 2,6 trln AQSH dollari miqdorida zarar koʻradi. Bu global YAIMning 5 foiziga teng.
Oʻzbekiston Respublikasi Prezidenti tashabbusi bilan korrupsiyaning oldini olish va unga qarshi kurashish masalasi davlat siyosati darajasiga koʻtarildi. Bu borada davlat xizmatchilariga “halollik vaksinasi”ni singdirish, fuqarolarda esa korrupsiyaga nisbatan toqatsizlik kayfiyatini shakllantirish — asosiy masala etib belgilandi.
Bugungi kun munosabati bilan, Korrupsiyaga qarshi kurashish agentligi mazkur sohada faoliyat yuritayotgan barcha davlat organlari va tashkilotlari, fuqarolik jamiyati institutlari hamda OAV vakillarini, shuningdek, barcha fuqarolarni 9-dekabr — Xalqaro korrupsiyaga qarshi kurashish kuni bilan tabriklaydi!