Sobiq direktor sug’urta pullarini o’zlashtirdi

Bosh prokuratura huzuridagi Departamentning Andijon viloyat boshqarmasi tomonidan tadbirkorlik subyektlarining huquqlarini himoya qilish yuzasidan “C.i.” sugʻurta kompaniyasining murojaatiga asosan oʻtkazilgan tergovga qadar tekshiruvda, kompaniyaning Andijon sugʻurta markazi filiali sobiq direktori A.Yu. bank muassasalariga bir xil raqamli polislarni bir necha marotaba taqdim qilish va sugʻurta polislarini sotuvidan tushgan 436,2 mln soʻm sugʻurta pullarini kompaniya hisob-raqamiga kirim qilmasdan, oʻzining shaxsiy ehtiyojlari uchun sarflab, oʻzlashtirish yoʻli bilan talon-toroj qilganligi aniqlangan.
Mazkur holat yuzasidan Jinoyat kodeksining 167-moddasi (oʻzlashtirish yoki rastrata yoʻli bilan talon-toroj qilish) bilan jinoyat ishi qoʻzgʻatilib, tergov harakatlari oʻtkazilmoqda.