Pulga o‘ralgan og‘u

Chilonzor tumanida o‘tkazilgan tadbir davomida, Chilonzor tumani 19-mavze 3-uyning oldida Toshkent viloyati, Zangiota tumani, Keles shahrida yashovchi fuqaro A.J. xatti-harakatlari orqali shubhali ko‘rinadi. Xolislar ishtirokida yoni ko‘zdan kechirilganda, chap qo‘lida bo‘lgan qora rangli sellofan paket ichidagi 1000 so‘mlik kupyuraga o‘ralgan yashil rangli o‘tkir hidli o‘tsimon modda borligi aniqlanadi. Ushbu modda tegishli tartibda rasmiylashtiriladi.

Toshkent shahar IIBB EKMning xulosasiga ko‘ra, fuqaro A.Jdan olingan modda tarkibida faol giyohvand modda tetragidrokannabinol mavjud bo‘lib, bu modda umumiy og‘irligi 1,26 grammga teng “marixuana” giyohvandlik moddasi ekanligi  aniqlangan. 

Mazkur holat yuzasidan Tergov bo‘limi tomonidan Jinoyat kodeksning 276 - moddasi 1- qismi bilan jinoyat ishi qo‘zg‘atilgan.