Toshkentda terrorchilik tashkilotining bir guruh a’zolari qoʻlga olindi

Huquqni muxofaza qiluvchi idoralar tomonidan hamkorlikda oʻtkazilgan tezkor tadbirda “Tavhid va jihod katibati” (“TJK”, Oʻzbekiston Respublikasi Oliy sudining 2016-yil 26-sentabrdagi qarori bilan terroristik deb topilib, mamlakatimiz hududida uning faoliyati taqiqlangan) nomli terrorchilik tashkilotining bir gurux a’zolari ushlandi. Ular Toshkent shahri hududida jamoaviy yigʻinlarni oʻtkazib, kelgusida Suriya hududida faoliyat yuritayotgan terrorchilik tashkilotlarining safiga qoʻshilishni rejalashtirib kelgan.
Aniqlangan “Tavhid va jihod katibati” tarafdorlarining soni 30 nafarga yaqin boʻlib, yoshlardan iborat ekanligi, ularning ayrimlari Andijon, Surxondaryo va Qashqadaryo viloyatlaridan Toshkent shahriga ishlash maqsadida kelganliklari ma’lum boʻldi. 
Hozirda mazkur holat yuzasidan Oʻzbekiston Respublikasi Jinoyat kodeksining tegishli moddalari bilan jinoyat ishi qoʻzgʻatilib, tergov harakatlari davom ettirilmoqda.