Oʻgʻlining qarzini toʻlash uchun kelini nomiga kredit olgan qaynota aniqlandi

Bosh prokuratura huzuridagi Departamentning Namangan shahar boʻlimi tomonidan “Mikrokreditbank” ATB Namangan filialining murojaatiga asosan oʻtkazilgan tergovga qadar tekshiruvda, ”S-I.S.” xususiy korxonasi taʼsischisi A.I. oʻgʻli A.ning fuqarolardan boʻlgan qarzlarini qoplash maqsadida, kelini G.ni korxona rahbarligiga tayinlab, korxona nomiga bank filialidan parrandachilik faoliyatini tashkil etish uchun ajratilgan 2 mlrd soʻm kredit mablagʻi evaziga sotib olingan mulklarni sotib yuborib, kredit mablagʻini talon-toroj qilganligi aniqlangan.
Mazkur holat yuzasidan Jinoyat kodeksining 167-moddasi (oʻzlashtirish yoki rastrata yoʻli bilan talon-toroj qilish) bilan jinoyat ishi qoʻzgʻatilib, tergov harakatlari oʻtkazilmoqda.