Qashqadaryoda farzandlarini o‘ldirish bilan tahdid qilgan otaga jinoiy ish qo‘zg‘atildi

Ijtimoiy tarmoqlarda “Qashqadaryoda ota farzandlarini o‘ldirish bilan tahdid qildi. Vaziyat shoshilinch chora ko‘rishni taqozo qilmoqda” haqida xabar tarqatilgan.

Aniqlanishicha, fuqaro A.R tomonidan voyaga yetmagan farzandlari Ax.J va Ad.Jlarni o‘ldirish bilan qo‘rqitib, haqoratlab, tazyiq o‘tkazib kelayotganligi tasvirga olingan.

Bugun, 21-yanvar kuni viloyat prokurori E.Tadjiyev tomonidan mutasaddi tashkilot vakillari ishtirokida voyaga yetmagan A.J va A.Jning buvisi M.X bilan birga viloyat prokuraturasiga taklif qilinib, o‘tkazilgan suhbat jarayonida voyaga yetmagan shaxslar otasi tomonidan muttasil qiynab, urib, haqoratlab kelingani aniqlangan.

Mazkur holat yuzasidan shu kunning o‘zida JKning 110-moddasi 2-qismi “a” bandi bilan jinoyat ishi qo‘zg‘atilib, A.R. qamoqqa olingan.

“Voyaga yetmagan shaxslar ijtimoiy himoyaga olinib, tergov harakatlari yuzasidan nazorat o‘rnatildi”,— deyiladi xabarda.