Oʻzbekistonda vaksina sinovida qatnashish uchun murojaat qilganlar soni maʼlum boʻldi

Oʻzbekistonda 2020-yil 12-dekabrda kuni koronavirusga qarshi Xitoyning “Zhifei Loncom Biofarmaceutical” kompaniyasi tomonidan yaratilgan ZF 2001 vaksinasining uchinchi sinov bosqichiga start berilgan edi. Bu haqda “Vaksinauz” kanalida xabar berildi.

Maʼlum qilinishicha, Innovatsion rivojlanish vazirligi rahbariyatining 20 ta koʻngilli oila aʼzolari Xitoydan olib kelingan rekombinant vaksina bilan birinchi dozada emlangan. Vaksina sinovida 18 yoshdan katta, surunkali kasalliklarga chalinmagan, 5000 ta koʻngilli ishtirokchilarni jalb etish rejalashtirilgan. Koʻngillilar sinov jarayonida jami uch doza vaksina bilan emlanishi koʻzda tutilgan.

Xabarda aytilishicha, 23-yanvar holatiga koʻra, skriningga kelgan koʻngillilar soni jami 9596 nafarni tashkil etgan. Ulardan 4281 nafar koʻngilli vaksinaning 1-dozasi bilan va 251 nafar koʻngilli vaksinaning 2-dozasi bilan emlangan.