“Zulfiya” mukofoti sohibasi 13 yil muddatga ozodlikdan mahrum etildi

Toshkent shahrida 31 yoshli tadbirkorni o‘ldirib, uning jasadini bo‘laklarga ajratib tashlagan va ijaraga olingan hovliga ko‘mib yuborganlar ustidan sud hukmi o‘qildi. Bu haqda “O‘zbekiston” teleradiokanalining “Bir jinoyat izidan” ko‘rsatuvida maʼlum qilindi.

Eng achinarlisi, 2014-yilda Zulfiya nomidagi davlat mukofoti bilan taqdirlangan, o‘z vaqtida karate bo‘yicha jahon chempioni bo‘lgan Sevara Abdulhakimova ham bosqinchilarga sherik boʻlgan.

Sevara Abdulhakimova Jinoyat kodeksining 164-modda 4-qismi “a” bandida nazarda tutilgan jinoyatni sodir etganlikda aybli deb topilgan va unga nisbatan Jinoyat kodeksining 57-moddasi qo‘llanilib, 13 yil muddatga ozodlikdan mahrum qilish jazosi tayinlangan.