Intellektual mulk obyektlarining huquqiy muhofazasi yanada takomillashtirildi

Qonun loyihasida intellektual mulk obyektlarini davlat roʻyxatidan oʻtkazish jarayoniga tezkor ekspertizani joriy etish, intellektual mulk obyektlarini roʻyxatdan oʻtkazish muddatlarini qisqartirish, mualliflik huquqi va turdosh huquqlar sohasida mulkiy huquqlar himoya muddatini uzaytirish normalari oʻz aksini topgan. Shuningdek, loyihaga muallif vafotidan keyin mualliflik huquqlari himoya muddatini 50 yildan 70 yilga oshirish toʻgʻrisidagi norma kiritildi.
 
Taʼkidlanishicha, bu muallifning kamida ikkita avlodi yashagan davr mobaynida unga tegishli boʻlgan mulkiy huquqlar himoyasi taʼminlanishiga xizmat qiladi. 
 
Qayd etishicha, qonun loyihasining qabul qilinishi talabnoma berilgan intellektual mulk obyektlarini roʻyxatdan oʻtkazish, shu bilan birga, ishlab chiqarishga ishlanmalar kiritilishini ragʻbatlantirish hamda mahsulotlar va xizmatlarning turlarini kengaytirishga xizmat qiladi.