TO‘DAKO‘LDA 100 KILOGRAMMLI BALIQ YETISHTIRILDI

Qiziltepa tumanidagi To‘dako‘l  baliq yetishtirishga qulay hudud hisoblanadi. Oldin To‘dako‘lda  ko‘l baliqlarini ko‘paytirish yo‘lga qo‘yiladi. Bu esa kutilgan natijani bermadi. Hozirda To‘dako‘lda  yiliga 500 tonna baliq yetishtiriladi. 
 «O‘zbekbaliqsanoat» uyushmasi tashabbusi bilan tashkil etilgan respublika press-turda baliqchilik tarmog‘idagi yutuqlar ommalashtirildi. 

-        Baliq genetikasiga eʼtibor qaratdik,  - deydi  «Golden lake Fish» MChJ  raisi P. Ro‘ziqulov. – Vengriya baliqchilik genetikasi instituti bilan hamkorlikda ishladik. 2019 yil Vengriya davlatidan 390  dona Karpi baliq ota-ona to‘dalari keltirildi. 2020 yilda mazkur to‘dadan 20 mln. dona uvildiriq olindi. Namangan, Jizzax, Samarqand, Qashqadaryo viloyatlariga 5 million dona baliq uvildiriqlari yetkazib berildi.
Hozirgi kunda Turkiya davlatidan yaxta, karterlar, baliq ovlashda ishlatiladigan ipakli to‘rlar yetkazib berilishi yo‘lga qo‘yildi. 
To‘dako‘lda 100 klogramm og‘irlikdagi baliqlar ham yetishtirldi.