Televizor koʻrmaslik nimalarga imkon beradi?

Bir yildan beri televizor koʻrmaslikka harakat qilyapman. Boʻsh vaqtlarim qiziqishlarimga koʻra koʻproq kitob oʻqish va internetta mavjud materiallar bilan tanishish ila oʻtmoqda.
Soʻng astrofizikaga qattiq qiziqa boshladim. Qora tuynukni ilk bora asl surati paydo boʻlganida xuddi jamoasi gol urgan futbol ishqibozi kabi xursand boʻldim. Chunki qora tuynuklarning borligi va ularning koʻrinishi aynan bizning hisob kitoblarga mosligi odamzodning katta ilmiy yutugʻi edi. Endi esa borliqning 25 foizini tashkil qiladigan biz koʻrib, ushlab, his qilib bilmaydigan, faqatgina atrofidagi gravitatsion kuchdangina hisoblash, oʻlchash mumkin boʻlgan qora materiyalar ustida chuqurroq izlanish zarur. 
___________________________________________________________________
Shuningdek yadroviy fizika, neyrobiologiya va etnobotanika ham menga juda qiziq. Lekin bu fanlarni jiddiy oʻrganish uchun fundamental bilimlarimni oshirish talab etiladi. Hozircha esa qiziqish doirasida oz-oz boʻlsa ham oʻrganib turipman. 
Bir yillik “televizorsizlik” menga nimalarga qiziqishmini eslatdi, bolalikda boʻlgan hozirda soʻnishga ulgurgan tadqiqotchi instiktini uygʻotdi, oʻzligimni anglashga yordam berdi. Ommaviy fikrlash mexanizmi va didini qoʻpol shakllantirayotgan televizordan saqlanish menga koʻp narsa tuhfa etdi. 
___________________________________________________________________
Miyani yechib qoʻyib, uni televizionshiklar qoʻliga topshirib qoʻymang. Televizor umuman koʻrmang. Bolalikdagi, oʻsmirlikdagi qiziqishlarni eslang. Hamma nimagadir qiziqqan. Kim geografiyaga, kim kimyoga kimdir esa tarixga. Shu qiziqishlarni davom ettirib bilim darajangizni kengaytiring. Inson sifatida, bolalikdagi oʻsha koʻp savol berib kattalarni charchatgan kichik tadqiqotchi barchamizni ichimizda hanuz yashaydi. Soʻnggan kichik orzularingizni roʻyobga chiqaring.


Egamberdiyev Abdurahmon