Tuynuk ochib kirgan oʻgʻri qoʻlga tushdi

22 mart kuni 01:24 da Toshkent viloyati Qoʻriqlash    boshqarmasining                   4-boʻlinmasi  Monitoring markaziga Olmaliq shahar Amir Temur koʻchasida joylashgan banklarning biridan “tashvish” xabari kelib tushadi.
Olingan xabarga koʻra voqea joyiga yetib borgan Qoʻriqlash xizmati xodimlari tomonidan bank binosining ichkarisida  yurgan va  qochishga harakat qilgan noʼmalum shaxs qoʻlga olingan.
Qoʻriqlash xizmati xodimlari tomonidan  bank filiali oʻrnatilgan tartibda koʻzdan kechirilganda, binoning 1-qavatida joylashgan ombor eshiklarini buzib kirish orqali, ombor shiftidan 2-qavatda joylashgan bank filialiga tuynuk ochib kirilganligini aniqlashadi.
Olib borilgan dastlabki surishtiruv ishlari mobaynida ushbu shaxs Navoyi viloyati Nurota tumanida 1996-yilda tugʻilgan, hozirda   Olmaliq shahrida vaqtincha yashab kelayotgan fuqaro Q.S. ekanligi  maʼlum boʻladi. 
Hozirda holat yuzasidan Olmaliq shahar IIB masʼul xodimlari tomonidan surishtiruv ishlari olib borilmoqda.