“GAI”larning kuni piyodalarga qolganini iddao qilgan bloger qayerga yo’qolib qoldi

YHXBB ijtimoiy tarmoqda «Gailar kuni piyodalarga qoldimi Qonun hammaga bir emasmi» sarlavhasi ostida tarqalgan videolavha yuzasidan maʼlumot berdi.
"Joriy yilning 30-iyun kuni soat 11:10larda Toshkent shahar, Shayxontohur tumani, A.Navoiy-Beruniy koʻchalari chorrahasida xizmat olib borayotgan Toshkent shahar IIBB YHXB YPX inspektori T.Sotiboldiyev belgilanmagan joydan yoʻlni kesib oʻtgan 1994-yilda tugʻilgan piyoda G.Mning toʻxtatib oʻzini tanishtirgan, qoidabuzarligini aytib, maʼmuriy bayonnoma rasmiylashtirmoqchi boʻlganida piyoda familiya, ismi-sharifini aytishdan bosh tortgan.
Piyodani shaxsini aniqlash maqsadida Shayxontohur tumani IIO FMBga taklif qilingan. Shundan soʻng piyoda G.M. shaxsini tasdiqlovchi hujjatini YPX inspektori S.T.Sotiboldiyevga taqdim qilgan. YPX inspektori qoidabuzar piyodaga Oʻzbekiston Respublikasi MJtKning 138-moddasiga asosan bayonnoma rasmiylashtirgan, piyoda tuzilgan bayonnoma bilan tanishib chiqib planshetga barmoq izini bosib, oradan taxminan 1 soatlar oʻtgandan soʻng notanish fuqaro YPX inspektorlari T.Omonov, A.Kamalov va T.Sotiboldiyevlarning yoniga kelib “Jurnalist blogerman” deb oʻzini toʻliq tanishtirmasdan, xodimlarni video tasvirga olib «Qonun hamma uchun barobar, nega boshqa qoidabuzar piyodalarga chora koʻrmayopsiz» deb xodimlarni ish faoliyatiga xalaqit bergan. YPX katta inspektori T.Omonov va T.Sotiboldiyevlar jurnalist blogerning savollariga javob berishayotganida bloger javob olishni istamasdan nomaʼlum tomonga harakatlanib ketgan.
Tekshiruvi jarayonida Toshkent shahar IIBB YHXB YPX inspektori T.Sotiboldiyevning muomalasi va xatti-harakatlari ichki ishlar organlari xodimi muomala madaniyati normalaridan chiqmagan holatda boʻlganligi oʻz tasdigʻini toʻliq topgan" deyiladi bosh boshqarma matbuot xizmati xabarida.