Oʻqishni koʻchirishda oʻtish bali 66,1 ball etib belgilandi

Oliy va oʻrta maxsus taʼlim vazirligi tizimidagi 53 ta OTMga xorijdan yoki Oʻzbekistondagi nodavlat OTMlardan oʻqishni koʻchirish boʻyicha oʻtish bali toʻplash mumkin boʻlgan maksimal ballning 35 foizi (66,1 ball) etib belgilangani maʼlum qilindi.
Oʻtgan yili oʻtish bali 56,7 ball edi. Joriy yilda oʻtish balini oʻtgan yilgi har bir yoʻnalishga kirish bali necha boʻlgan boʻlsa, shunday qilib belgilashmoqchi edi. Ammo bunday qilinmadi. Yana bir bor asosan xorijdagi talaba-yoshlarga yon bosildi va oʻtish bali maksimal ballning atigi 35 foizi etib belgilandi. Bu hatto 3 baho ham degani emas.
Boshqa OTMlarga oʻtish balini yuqori turuvchi vazirliklar belgilaydi, masalan, tibbiyotni Sogʻliqni saqlash, yurisprudensiyani Adliya vazirligi va h.k.