1-avgustdan nimalar o’zgardi ?

Ushbu savolga “Huquqiy axborot” kanali quyidagicha javob berdi.
Hokimliklarning yerni toʻgʻridan-toʻgʻri ajratish vakolati bekor qilinadi.
Ayni bir hujjat bilan yoki bir vaqtning oʻzida yerni olib qoʻyish, zaxiraga olish, boshqa shaxsga ajratish taqiqlanadi.
Xorijdan mahsulot sotib olib, import qilmasdan uchinchi davlatga toʻgʻridan-toʻgʻri sotishga ruxsat beriladi.
Aholining jismoniy tayyorgarlik darajasini baholash tizimi joriy etiladi.
Davlat boshqaruvi organlarining xizmat avtotransport vositalari ularning rahbarlariga shaxsan biriktiriladi.
Hududlardagi nodavlat taʼlim tashkilotlarining binoni ijaraga olish xarajatlari bir qismi qoplab beriladi.
Majburiy toʻlovlarni onlayn rejimda toʻlash imkoniyati yaratiladi.
Haydovchilik guvohnomasini rasmiylashtirish uchun barcha hujjatlarni YAIDXP orqali ham taqdim etish imkoniyati yaratiladi.
Homilador ayollarni kompleks kuzatish boʻyicha yagona tizim joriy etiladi. 
Davlat xaridlari sohasida oʻtkaziladigan tender natijalarini majburiy tarzda ochiq eʼlon qilish yoʻlga qoʻyiladi.