1-iyuldan nimalar o’zgaradi?

Ushbu savolga “Huquqiy axborot” kanali quyidagicha javob berdi.
Mansabdor shaxslarning xizmat safarlari va xorijdan kelgan mehmonlarni kutib olish xarajatlari Ochiq maʼlumotlar portaliga joylashtirilib boriladi. 
Onkologik va gematologik bemorlarning viloyatlardan respublika ixtisoslashtirilgan markazlariga kelish xarajatlari qoplab beriladi.
Pensiya va nafaqalar oshiriladi.
Davlat organlarida xizmat avtotransportlari davlat raqami belgilarining yangi tipi joriy etiladi.
Olis va chekka hududlarda joylashgan bogʻchalarga subsidiyalar toʻlanadi.
Asosiy faoliyati parrandachilik boʻlgan tadbirkorlar uchun ayrim soliq stavkalari 50 foiz miqdorida qoʻllaniladi.
Bepul tibbiy yordam olish huquqini beruvchi order berish tizimi joriy etiladi.
Qurilish materiallari ishlab chiqarish korxonalariga berilgan kreditlar boʻyicha foiz xarajatlarini qoplash uchun kompensatsiyalar taqdim etiladi.
Yangi quriladigan savdo maydoni 15 ming kvadrat metrdan ortiq savdo-koʻngilochar komplekslarida kinoteatr tashkil etish majburiy hisoblanadi.
“Masofaviy elektron deklaratsiyalash bojxona postlari” sinov tariqasida tashkil etiladi.
“Hamshiralik ishi” bilan mustaqil shugʻullanish uchun oʻrta tibbiyot mutaxassislariga oʻzini oʻzi band qilish asosida ruxsat beriladi .
Soliq organlarida soliq toʻlovchilarning hisobini yuritish jismoniy shaxsning shaxsiy identifikatsiya raqami (JSHSHIR)dan foydalangan holda amalga oshiriladi .
Shaxslarni profilaktik hisobga olishning elektron tizimi joriy etiladi .
Davlat organlarida taʼlim tashkilotlari oʻqituvchilarini shartnoma asosida jalb qilib, haftada kamida bir marotaba xodimlarni xorijiy tilga oʻqitish amaliyoti yoʻlga qoʻyiladi.
Ish staji 5 yil boʻlmagan oliy maʼlumotli tibbiyot xodimlarini nodavlat tibbiyot tashkilotlariga ishga qabul qilish bilan bogʻliq talablar davlat tibbiyot muassasalariga tenglashtiriladi.
Jamoatchilik fikri asosida shakllantirilgan tadbirlarni moliyalashtirishga ajratiladigan tuman (shahar)lar byudjetlari qoʻshimcha mablagʻlarining eng kam miqdori 10 foizdan 30 foizga oshiriladi.
Qoʻshilgan qiymat soligʻi toʻlovchisi boʻlgan chorvachilik, parrandachilik va baliqchilik xoʻjaliklariga respublika byudjetidan tegishli miqdorda subsidiya ajratiladi .
Rahbar va xodimlarning antropometrik koʻrsatkichlarini reyting asosida tahlil qilish tizimi joriy etiladi.