Buxorolik haydovchi mashinasiga noqonuniy yo’l bilan “migalka” o’rnatgani uchun jazolandi

YHXBB ijtimoiy tarmoqda tarqalgan video yuzasidan maʼlumot berdi.
“Ijtimoiy tarmoqda tarqalgan videoda ”Lacetti“ rusumli, 80 O 044 GA davlat raqam belgili avtomobil haydovchisi piyodalar oʻtish joyidan oldin chizilgan 1.1 yoʻl yotiq chizigʻini bosib harakatlanganligi aks etgan. Shuningdek, video izohida mazkur avtomobilga ”migalka" (yalt-yalt etuvchi chiroq-mayoqcha) oʻrnatilganligi qayd etilgan.
Video Buxoro viloyati IIB YHXB masʼul xodimlari tomonidan oʻrganildi. Oʻrganish davomida ushbu transport vositasiga ishlab chiqargan korxona tomonidan koʻzda tutilmagan yoritqichlar oʻrnatilganligi maʼlum boʻldi. Haydovchi tomonidan sodir etilgan qoidabuzarliklar yuzasidan bayonnoma tuzilib, unga nisbatan Oʻzbekiston Respublikasi Maʼmuriy javobgarlik toʻgʻrisidagi Kodeksning 127-moddasi 1-qismi tartibida 245 000 soʻm miqdorida jarima belgilandi" deyiladi unda.