Harakatlanib ketayotgan “Hyundai” yonib ketdi

Bugun, 5-avgust kuni soat 16:10 da Toshkent shahar Favqulodda vaziyatlar boshqarmasiga Chilonzor tumani koʻchalarining birida harakatlanib ketayotgan “Xunday-Sonata” rusumli avtomobilning motor qismida yongʻin sodir boʻlayotganligi toʻgʻrisida xabar kelib tushgan.
Xabarga koʻra, 2 ta yongʻin-qutqaruv ekipaji soat 16:16 da voqea joyiga yetib borgan va yongʻin soat 16:21da toʻliq bartaraf etilgan.
Hodisa oqibatida halok boʻlgan va jabrlanganlar yoʻq.
Hozirda yongʻin sababi va keltirilgan zarar miqdori aniqlanmoqda.