Koronavirusning “Omicron” shtammi O’zbekiston chegarasigacha yetib keldi

Qozogʻiston sogʻliqni saqlash vazirligi mamlakatda koronavirusning "Omikron" shtammi bilan 8 ta zararlanish holati aniqlanganini maʼlum qildi.
Vazirlik maʼlumotlariga koʻra, Olmaotada yetti kishi, Nur-Sultonda yana bir kishi ushbu mutatsiyani yuqtirib olgan.
"Omikron" versiyasining oʻziga xos xususiyati — infeksiyaning yuqori tarqalishi va qayta infeksiya xavfining oshishidir", deyiladi Sogʻliqni saqlash vazirligi axborotida. 
Taʼkidlashicha, "Omikron" “Delta” shtammidan 70-marta tezroq tarqaladi. 
 6-yanvar holatiga koʻra, Qozogʻistonda koronavirus infeksiyasi bilan zararlanganlarning umumiy soni 990 ming nafardan oshgan.