Xitoy AQSHning dunyodagi mavqeiga qarshi chiqmoqchi emas

 Xitoy Kompartiyasi Markaziy Qoʻmitasi siyosiy byurosi aʼzosi, KPK Markaziy Qoʻmitasi Tashqi ishlar komissiyasi rahbari Yan Szechi Xitoy hech qachon Qoʻshma Shtatlarni dunyoda tanqid qilishga yoki uning oʻrnini egallashga intilmagani va AQSH taʼsir doirasiga daʼvo qilmasligini aytib oʻtdi. Bu haqda TACC axborot agentligi xabar berdi.

 Xabarga koʻra, u AQSH Xitoyning, xususan Gonkong, Tibet va Shinjon-Uygʻur avtonom tumanining hududiy yaxlitligi va suvereniteti bilan bogʻliq masalalarga aralashishni toʻxtatishi kerakligini taʼkidlagan.

 Yan Szechining soʻzlariga koʻra, bu masalalar daxlsizdir va ularga aralashish Xitoy-AQSH  munosabatlari va AQSH manfaatlariga jiddiy zarar yetkazishi mumkin.

  “Biz umid qilamizki, Qoʻshma Shtatlar ushbu muammolarning nozikligini toʻliq biladi va ikki mamlakat oʻrtasidagi oʻzaro ishonch va hamkorlikka putur yetkazmaydi”, – deya yakunladi u, deb xabar beradi tez.news.

 Foto: Gazeta.uz