Butun dunyo boʻyicha koronavirusning toʻrt mingga yaqin shtammi borligi maʼlum boʻldi

Dunyoda koronavirusning toʻrt mingga yaqin shtammi borligi aytildi. Bu haqda Reuters axborot agentligi xabar bermoqda.

 “Barcha ishlab chiqaruvchilar, Pfizer-BioNTech, Moderna, Oxford-AstraZeneca va boshqalar oʻz vaksinalarini qanday qilib yaxshilash mumkinligini koʻrib chiqmoqda. Hozirda dunyoda koronavirusning toʻrt mingga yaqin turi bor”, - deydi Buyuk Britaniya sogʻliqni saqlash vaziri oʻrinbosari, koronavirusga qarshi emlashga masʼul - Nadim Zahaviy.

 Maʼlum boʻlishicha, dunyo boʻyicha koronavirus infeksiyasining minglab mutatsiyalari hujjatlashtirilgan.

 Cambridge universiteti professori Ravi Guptaning soʻzlariga koʻra, mutatsiyalar soni dolzarb ahamiyatga ega emas, chunki koʻplab mutatsiyalar paydo boʻlib, doimiy ravishda yoʻq boʻlib ketadi.

 Qayd etilishicha, olimlar mutatsiyaga uchragan viruslarni umumiy populyatsiyada yuqtirgan holda tasvirlash uchun 4000 ta variantdan foydalanishmoqda.

 “Bizda dunyodagi genomlarni sekvensiyalash sanoatining 50 foizga yaqini bor va biz barcha variantlarni kutubxonamizda saqlaymiz, shunda kuz yoki undan keyin ham virus bilan bogʻliq boʻlgan har qanday muammoga javob berishga tayyor boʻlamiz”, – dedi Zahaviy.

 Pandemiya boshlangandan beri koronavirusdan jami 2,5 dan koʻproq odam vafot etgan, deb xabar beradi tez.news.