Yaponiya koronavirusga qarshi million doza vaksinani tashlab yuborishga majbur

Yaponiya koronavirusga qarshi million doza vaksinani tashlab yuborishga majbur.

Notoʻgʻri shprislar tufayli millionlab yaponlar Pfizer kompaniyasining koronavirusga qarshi vaksinasidan foydalana olmaydi. Bu haqda “The Japan Times” nashri mamlakat Sogʻliqni saqlash vazirligi rahbari Norixisa Tamuraga asoslanib xabar bermoqda.

Oʻtgan oy hukumat har bir ampulada olti doza preparat borligidan kelib chiqib, 72 million kishini emlash uchun yetarli miqdorda dozani olganini eʼlon qilgandi. Biroq Yaponiyada ishlatiladigan standart shprislar faqat beshta doza preparatni chiqarib olishga moʻljallangan.

Hukumat tibbiy asbob-uskunalar ishlab chiqaruvchilardan maxsus shprislar ishlab chiqarishni yoʻlga qoʻyishni soʻradi. Hukumat matbuot kotibining soʻzlariga koʻra, ampuladan chiqarib boʻlmaydigan oltinchi dozani tashlab yuborishga toʻgʻri keladi, deb yozadi xabar.uz.

Foto: “The Japan Times”