Eyfel minorasi rangini oʻzgartirmoqda

Eyfel minorasining rangini oʻzgartirishmoqchi.  “Parij-2024” Olimpiadasi arafasida shahar ramzi boʻlmish Eyfel minorasi qayta boʻyaladi. Bu haqda “Time Out” xabar berdi.
 Eyfel minorasi soʻnggi marta 1968-yilda boʻyalgan. Boʻyoqdan soʻng qoʻngʻir zanglagan koʻrinishdagi minora sargʻish-jigarrang tusda tovlanadi — meʼmor Gyustav Eyfelning vasiyati shu.
 Parij Olimpiadasining triatlon va ochiq osmon ostidagi suzish bahslari Eyfel fonida oʻtadi.
 
Kolorizatsiya ishlari minoraning 19 qavatli eski boʻyoqlarini ketkazishdan boshlanadi — maqsad minoraga tushadigan ogʻirlikni kamaytirish. Soʻng ustidan 60 tonna yangi boʻyoq uriladi.
 Parijning “temir afsonasi” 2,5 millionta birlashtirgichlar bilan qotirilgan 18 mingta metall qismdan iborat, ularning barchasi tozalanib, qayta boʻyab chiqiladi, deb yozadi xabar.uz.