Toj Mahalda sayyohlar nima sababdan evakuatsiya qilindi?

Dunyoning nodir yodgorliklaridan biri, yer yuzining sayqali Toj Mahalda sayyohlar evakuatsiya qilindi. Bunga sabab ro‘y berishi mumkin bo‘lgan portlash xavfidir. Bu haqda Hindustantimes nashri xabar bergan. Xabarda aytilishicha, hududni mingdan ortiq kishi tark etgan.
 “Bizga dispetcherlik punktidan xabar berildi, qo‘ng‘iroq qilgan odam Toj Mahalda bomba borligi, tez orada portlashi haqida aytdi. Toj Mahal atrofida tekshirish ishlari olib borilmoqda”- deya taʼkidlagan politsiya vakili Shiv Ram Yadav.
 Bomba portlashi haqidagi xabar ertalab kelib tushgan. Mutaxassislar kompleksni tekshirishgan, ammo hech qanday portlovchi modda topilmagan. Politsiyada aytilishicha, qo‘ng‘iroq qilgan odam shuningdek, harbiy xizmatga chaqiruvda kamsitishlar bo‘layotganini ham aytgan.
 Ushbu holat yuzasidan to‘plangan maʼlumotlar Hindiston sanoat xavfsizligi markaziy xizmatiga yuborilgan, deb yozadi zamon.uz.