Hammasini yoddan aytgan

Toʻrt yoshli qizcha Mendeleyev davriy jadvalidagi barcha elementlarini yoddan aytish boʻyicha dunyo rekordini yangiladi
Qatarda yashovchi toʻrt yoshli hindistonlik qizaloq Mendeleyev davriy jadvalidagi barcha kimyoviy elementlarni yoddan tez aytib berish boʻyicha jahon rekordini oʻrnatdi. Bu haqda “Peninsula Qatar” nashri xabar bermoqda.
Nashrning yozishicha, bola davriy jadvalning barcha elementlarini eslab qolgan va aytib bergan hamda Xalqaro rekordlar kitobiga (Ginnesning rekordlar kitobining oʻxshash) kirgan.
Rekordni yangilash uchun qizchaga 2 daqiqa-yu 28 soniya kerak boʻlgan. Kitob tuzuvchilarining taʼkidlashicha, bu bolalar orasida eng yaxshi koʻrsatkichdir. Bundan tashqari, qizcha Hindistonning barcha bosh vazirlari, Quyosh tizimidagi sayyoralar va inson aʼzolarini ham yoddan aytib bera oladi.