28 yilllik orzu

Bir tomondan nogironlik, bir tomondan iqtisodiy yetishmovchilik... Ayollarning muammosi yuragida saqlanadi. Ming sabr va qanoat bilan yengib oʻtishga harakat qiladi ayol oʻz muammolarini. “Ayollar daftari” tashkil qilingach, yuraklardagi muammolar tinglanadigan, ular qoʻllab-quvvatlanadigan tizim yaratildi.
Navbahor tumanining Burqut mahallasida yashovchi Hikmatoy Xudoynazarovaga hayot koʻplab sinovlar berdi. Oʻzi 2-guruh nogironi boʻlgan ayolning farzandi ham nogiron tugʻildi. Ushbu mahallaga kelin boʻlib tushganiga 28 yil boʻlgan ayol kam-koʻstini toʻldirib, shinam va yorugʻ xonadonda istiqomat qilishni orzu qilardi. “Ayollar daftari”ga kiritilgach, uning orzusi ushaldi. 25 million soʻm mablagʻ ajratilib, Hikmatoy Xudoynazarovaning xonadoni taʻmirlab berildi. 
Bugun Hikmatoy Xudoynazarova oʻzi orzu qilgandek yorugʻ va shinam xonadonda istiqomat qilmoqda.