Navoiyda nogironning boʻyniga arqon oʻrab azoblagan shaxs aniqlandi

Ijtimoiy tarmoqlarda «Navoiy viloyati Navbahor tumani Yangiyoʻl mahallasida yashaydigan 2-guruh nogironi Sh.U.ning aqli zaifligidan foydalanib, boʻyniga arqon oʻrab azob berilgani aks etgan videolavha tarqaldi.
Hodisaga Navoiy viloyati IIB oʻz munosabatini bildirdi.
Qayd etilishicha, ushbu videolavhani oʻrganish davomida videolavhadagi shaxs haqiqatdan ham Navbahor tumani Yangiyoʻl mahallasida yashovchi, 2-guruh nogironi Sh.U. ekanligi hamda holat 2021-yilning 22-yanvar kuni soat 14:00 da sodir boʻlganligi maʼlum boʻlgan. Mazkur videolavha fuqaro P.K tomonidan oʻzining yashash xonadonidagi   molxonasida shunchaki hazil uchun olingani va  doʻstlariga tashlagani, ijtimoiy tarmoqlarga qanday chiqib ketganligidan xabari yoʻqligi aniqlangan.
Hozirda ushbu holat yuzasidan Navbahor tuman IIB xodimlari tomonidan surishtiruv ishlari olib borilmoqda.