9 ming xonadonda gaz oʻchiriladi

“Hududgaz Navoiy” gaz taʼminoti filiali matbuot xizmatining maʼlum qilishicha, bugun Navoiy shahridagi yuqori bosimli gaz quvurini havo bosimi ostida sinash va tozalash rejalashtirilgan.
Shu sababli, Hayot, Istiqlol, Yangi ariq, Guliston mahallalarida, shuningdek, Oʻzbekiston va Bogʻishamol mahallalaridagi namunali uylarda jami 8 700 ta aholi xonadoniga va ushbu hududlardagi barcha ulgurji isteʼmolchilarga soat 17:00ga qadar tabiiy gaz yetkazib berish vaqtincha toʻxtatiladi.