“Targ`ibot poyezdi” a’zolari talabalar bilan uchrashmoqda

“Targ`ibot poyezdi” aʻzolarining Navoiy viloyatidagi Navoiy davlat pedagogika instituti talaba-yoshlari bilan ochiq muloqoti oʻtkazilmoqda.
Targʻibot guruhi aʻzolari institutning chet tillar, ingliz tili va adabiyoti, fizika va texnologik taʻlim, matematika-informatika, tarix, oʻzbek tili va adabiyoti fakultetlarida saylovoldi targʻibot tadbirlarida ishtirok etdi.
Shu kunlarda yurtimizdagi barcha oliy taʻlim muassasalarida Oʻzbekiston Respublikasi Prezidenti saylovi jarayonida talabalarning faol ishtirokini taʻminlash, saylovga oid bilimlarini rivojlantirish hamda ularga vatanimiz ravnaqi yoʻlida amalga oshirilayotgan islohotlar mohiyatini yetkazish maqsadida Oliy va oʻrta maxsus taʻlim vazirligi tashabbusi bilan “Saylov – 2021: Kelajaging uchun ovoz ber!” shiori ostida “Targʻibot poyezdi” loyihasi doirasida targʻibot tadbirlari boʻlib oʻtmoqda.
Loyiha doirasida Toshkent davlat yuridik universitetining malakali professor-oʻqituvchilari boshchiligidagi iqtidorli talabalardan iborat targʻibot guruhlari tomonidan talabalarning saylovga oid bilimlarini oshirishga qaratilgan oʻquv seminarlari, maʻnaviy tadbirlar tashkil qilinayapti.