Jinoyat ortidan jinoyat

Navoiy shahri Ibn Sino koʻchasi 26-uy 638-xonadonda yashovchi S. Karpunin oʻzganing mol-mulkini yashirin ravishda talon-toroj qilish maqsadida, Navoiy shahri Ibn Sino koʻchasi 41-uyni yonida turgan fuqaro Yusupov Asliddin Qahramonovichga tegishli boʻlgan oq rangli “Damas” rusumli avtomashinasi chap oʻrta oynasini ochib, mashina ichida boʻlgan 30 ming soʻm miqdordagi naqd pullarni yashirin ravishda talon-toroj qilib, voqea joyidan yashiringan. 
Bundan tashqari, u oʻzining jinoiy hatti-harakatlarini qasddan davom ettiradi. 2021-yil 06-avgust kuni yana  oʻzganing mol-mulkini yashirin ravishda talon-toroj qiladi.
 Navoiy shahri Ibn Sino koʻchasi 41-uyni yonida turgan fuqaro Raxmatov Murod Gʻaybullayevichga tegishli boʻlgan “Damas” rusumli avtomashinasi oʻng oʻrta oynasini ochib, mashina ichida boʻlgan 6 ming soʻm miqdordagi naqd pullarni yashirin olib qochib, voqea joyidan yashiringan. 
Mazkur holat yuzasidan JKning tegishli moddalari boʻyicha jinoyat ishi qoʻzgʻatilgan.

Sodiq TESHAYEV,
Navoiy shahar IIO FMB 4-sonli IIB JQG tezkor vakili, katta lyetenant