Tekin luqma og‘iz yertar

Tekin yo‘l bilan topilgan luqma og‘iz yertar, degan maqol xalqimizda bekorga aytilmagan. Аyniqsa o‘g‘irlik illatini kasb qilgan odamning yuzqaro bo‘lib, el ichida sharmanda bo‘lishi hech kimga yangilik emas. Qadimda o‘g‘rilarning qo‘lini kesib odamlar orasida aylantirilgani, o‘g‘irlik juda qattiq uyat sanalganini yaxshi bilamiz. Bugungi kunda birovning mol-mulkini talon-taroj qilganga qonuniy jazo bor. Аna shunday qonun himoyachilari tomonidan bir kunda fosh etilgan jinoyat, buzoqning yugurgani somonxonagacha, deganlaridek, qo‘li egri jinoyatchilarni uzoq xursand qilmadi. 

2020 yilning 12 avgust kunidan 18 avgust kuniga qadar bo‘lgan vaqtda noma’lum shaxs o‘zganing mol-mulkini yashirin ravishda talon-toroj qilish maqsadida, fuqaro Gulnora Malikova (ism-familiya o‘zgartirildi) tegishli Navoiy shahar, “G‘.Shoh” ko‘chasi 122-uyning yonida bo‘lgan savdo do‘koni yerto‘lasidan umumiy qiymati 4.000.000 so‘mlik parfumeriya mahsulotlarini yashirin ravishda talon-toroj qilib, voqea joyidan yash voqea joyidan yashiringan. O‘g‘rilarni uzoq qidirishga hojat qolmadi. Navoiy shahar IIO FMB tomonidan olib borilgan o‘rganishlar, surishtiruv ishlari natijasida gumonlanuvchilar Samarqand viloyatining Paxtachi tumanidan bo‘lgan ikki shaxs, 1984 yilda tug‘ilgan, vaqtincha ishsiz, oilali, ikki farzandi bo‘lgan Bo‘ron Boltaev (ism-familiyasi o‘zgartirildi) hamda 1999 yilda tug‘ilgan vaqtincha ishsiz Sherali Shermatov (ism-sharifi o‘zgartirildi) ekanligi aniq bo‘ldi. 

E’tibor qaratsak, har ikki yigit ishsiz va daromad topish uchun eng past ishdan or qilmadi. Аgar buni o‘rniga qurilishda yoki bugun yoshlarga talab ko‘p bo‘lgan biron oshxona, kafe, sotuvchilik ishlariga qo‘l urishganida edi yuqorida qing‘irlik bilan topgan 4 million so‘m pul bir oylik maoshi bo‘lishi, yuzi yorug‘, qaddi tik bo‘lib bexavotir yashashi mumkin edi. Nachora, qing‘ir ishning javobi bor. Qonun oldida har bir jinoyat uchun jazo belgilangan.