Quyma oltinlar musodara qilindi

Fuqaro S.N. sof quyma oltinni oʿtkazish maqsadida, fuqaro R.dan 548 gramm sof quyma oltinni 328,5 mln soʿmga, fuqaro B.dan 1,7 kg sof quyma oltinni 1,7 mlrd soʿmga xarid qilib, Navoiy-Samarqand yoʿnalishida “Nexia-2” rusumli avtotransport vositasida harakatlanib kelayotgan vaqtida ushlangan. 
Bosh prokuratura huzuridagi Departament, DXX va IIBning Navoiy viloyati boshqarmalari tomonidan otkazilgan tezkor tadbir yakunida fuqarodan jami 2,3 kg sof quyma oltin parchalari ashyoviy dalil sifatida olib qoʿyilgan.
Mazkur holat yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki oʿtkazish) bilan jinoyat ishi qoʿzgʿatilib, tergov harakatlari o`tkazilmoqda.