Tovlamachi ushlandi

Bosh prokuratura huzuridagi Departament hamda IIVning Navoiy viloyati boshqarmalari tomonidan oʻtkazilgan tezkor tadbirda fuqaro D.X. boshqa bir fuqaro N.ning qadr-qimmati va obroʻsiga putur yetkazishi mumkin boʻlgan fotosurat va videolarni ijtimoiy tarmoqlarda tarqatib yuborishi bilan qoʻrqitib, evaziga undan tovlamachilik yoʻli bilan 30 million soʻm talab qilib, elektron toʻlov tizimi orqali tanishi D.ning plastik kartasiga 29,7 million soʻmni oʻtkazib olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 165-moddasi (tovlamachilik) bilan jinoyat ishi qoʻzgʻatilib, tergovga tegishliligi boʻyicha yuborilgan.