Navoiy viloyati sudi raislari yer uchastkalaridan ijaraga foydalanish huquqini qoʻlga kiritgan fuqarolar bilan uchrashdi

Navoiy viloyat sudiraisi Xamidulla Kudratov, viloyat ma’muriy sudi raisi Akmal Murodov hamda tuman sudi raislari tomonidan Navbahor tumanidagi “Yuqori Beshrabod”, “Oʻzbekiston”, “Yaltirabod”, “Navkar”, “Beshrabot”, “Navbahor”, “Xalovattepa” va “Yangiobod”mahalla fuqarolar yigʻinida istiqomad qiluvchi aholi vakillariga ijaraga berilgan umumiy maydoni 17,09 gektar boʻlgan 49 ta, Nurota tumanidagi “Qadoq”,“Amir Temur”, “Yangiturmush”, “Nurfaxr”, “Jarma”, “Yangixayot” mahalla fuqarolar yigʻinida istiqomat qiluvchi aholi vakillariga ijaraga berilgan umumiy maydoni 101,39 gektar boʻlgan 103 ta, shuningdek Qiziltepa tumani “Demas”, “Yangi Hayot”, “Xomrabod”, “Bashir”, “Tojikon”, “Oq machit”, “Zarmetan”, “Ayronchi”, “Konsurun”, “Oqsoch”, “Bobodoʻgʻi”, “Varozun”, “Xasancha”, “Malikrabod” va“Mayta”mahalla fuqarolar yigʻinida istiqomad qiluvchi aholi vakillariga ijaraga berilgan umumiy maydoni 117,72 gektar boʻlgan 253tayeruchastkalaridan samarali foydalanishni tashkil etish boʻyicha tushuntirish ishlari olib borildi.
Ushbu yerlar aholiga dehqon xoʻjaligi tashkil etish uchun, 10 sotixdan 1 gektargacha 10 yil muddatga, ochiq elektron tanlov oʻtkazish orqali ijaraga berildi. Bunda, asosiy mezon – yerdan samarali foydalanish va yaratiladigan ish oʻrinlari etib belgilandi.
Ijaraga berilgan yer uchastkasini saqlash vazifasi qonunchilikka muvofiq ikki tomonlama kelishuvga asosantalablar bajarilmagan taqdirda ijara shartnomasi sudtomonidan bekor qilinishi belgilab qoʻyilgan.
Fuqarolarga yer uchastkasini sotish yoki oʻzgacha tarzda boshqalarga oʻtkazish, yer uchastkasini ikkilamchi ijaraga va yordamchi pudratga berish,yer uchastkasidan asosiy foydalanish maqsadini oʻzgartirish taqiqlananishi, hamda yer unumdorligini saqlash va oshirish, irrigatsiya va melioratsiya tizimlarini soz holatda saqlash chora-tadbirlarini amalga oshirish lozimligi,tabiatni muhofaza qilish talablariga rioya qilish, shu jumladan yer uchastkasidagi tuproq qatlamini asrash kerakligi borasida tushuntirishlar berilib,Oʻzbekiston Respublikasi Oliy sudi tomonidan tayyorlangan  ijaraga berilgan yer uchastkalaridan samarali foydalanishni tashkil etish boʻyicha metodik qoʻllanma har bir yer egasiga tushuntirish ishlarini amalga oshirgan holda tarqatildi.
 
Aziza Roʻziyeva
Navoiy viloyat sudi jamoatchilik va OAVlar bilan aloqalar boʻyicha bosh konsultanti