АВТОБУСЛАР ШАҲРИМИЗГА ЖУДА ЯРАШГАН!

01 май 2025

Кеча Абдулла Қодирий номли кутутбхонага бордим. Қайтишда шаҳримиздаги 3-йўналишдаги автобусда қайтдим. Соат 16.55 да кутишни бошладим. Роппа-роса 17.25 да келди. Автобусга чиқиб, олдинроқ ўриндиқларга ўтирдим.

Автобуснинг шароити жуда яхши: салқинликни таъминловчи конденционер бор, радио бор, микрафон бор. Жуда шинам ва қулай. Радио орқали йўловчилар юртимиз янгиликларини, мусиқа тинглаб боришади. Микрафонда шофёр йўловчиларни тартибга солиб боради. Электрон таблода ҳам йўловчиларга тозаликни сақлашни эслатиб боради.

Аммо, бекатда ярим соат кутганим зекриктирди. Ниҳоят автобус келди. Икки бекатдаёқ автобус одамларга тўлди. Боргунча шафёр йўловчилар билан гаплашиб борди.

- Бу йўналишдаги автобусларни бошқа йўналишга қўйишган. Йўл ҳақи қопламаяпти. Балки автобусларни олиб ташлаши ҳам мумкин. Кун бўйи бўш юрдим. Ҳозир “тиғиз” вақтда одамлар кўпайган. Шунинг учун автобус одамлардан тўлган, - деди шафёр. – эрталаб соат 5.00 да ишга чиқамиз, кечга автобусни ювиб топширгунча кечаси соат 23дан ошади.

Шафёр балки ҳақдир, билмадим. Лекин кечгача иш вақти давом этаётган бўлса, бундан кўринадики, автобус қатновини яхшилаш учун икки сменали иш тизимини йўлга қўйиш ҳамда реклама орқали даромадни ошириш керакдир.

Шуни ҳам айтиб ўтиш керакки, автобусларнинг фақат олд ойнасига йўналиш белгиси қўйилган, тўртала томонига ҳам қўйилса, айни муддао бўлар эди.

Автобуслар шаҳримизга нафақат ярашган, балки улар орқали транспорт тизими янада ривожланишига ишончим комил! Автобуслар қатнови шундай ташкил этиладики, одамлар зерикмай кутади.

Феруза ҚОДИРОВА

Ctrl

Enter

Xato topdingizmi

Bizga junating Ctrl+Enter

Boshqa ma`lumotlar: