“University Cyber Cup”da Inha universiteti jamoasi sovrindor boʻldi

Toshkent shahridagi Inha universiteti talabalari Toshkent oliy taʼlim muassasalari talabalari oʻrtasida oʻtkazilgan “University Cyber Cup” musobaqasining final bosqichida ishtirok etdi.
Universitetning kiber jamoasi final bahslarida yuqori natijalarni koʻrsatib, Dota 2 yoʻnalishi boʻyicha gʻalabani qoʻlga kiritishgan boʻlsa, CS:GO boʻyicha ikkinchi va PUBG Mobile boʻyicha uchinchi oʻrin sohibi boʻlishdi.
 Mazkur tadbir Oʻzbekiston Kibersport Uyushmasi tomonidan va Oʻzbekiston Milliy Olimpiya Qoʻmitasi, Axborot texnologiyalari va kommunikatsiyalarini rivojlantirish vazirligi, Innovatsion rivojlanish vazirligi, Yoshlar Ittifoqi hamda Yoshlar ishlari agentligi koʻmagida tashkil etildi. Musoboqaning sovrin jamgʻarmasi 100 million soʻmni tashkil etdi, deb yozadi xabar.uz.