Navoiy aeroportida noqonuniy joʻnatmalar fosh boʻldi

Bojxona qoʻmitasi axborot xizmati xabariga koʻra, tekshiruvda hujjatlarda koʻrsatilmagan va sifati kafolatlanmagan, umumiy qiymati 100 million soʻm boʻlgan stomatologik tibbiyot vositalari aniqlangan.
Aytilishicha, yana bir holatda joʻnatmalar koʻzdan kechirilganda hujjati boʻlmagan va sifati kafolatlanmagan, umumiy qiymati 70 million soʻm boʻlgan tibbiyot buyumlari aniqlangan.
Shuningdek, boshqa bir holatda joʻnatmalar tekshirilganda bojxona nazoratidan yashirilgan, umumiy qiymati 66 million soʻmlik sifati kafolatlanmagan tibbiyot buyumlari borligi maʼlum boʻlgan.