Jizzaxda koronavirus testlarini hujjatsiz sotayotgan shaxsga nisbatan jinoiy ish qoʻzgʻatildi

Jizzax viloyati Doʻstlik tumanida yashovchi shaxs koronavirusni aniqlovchi test hamda boshqa tibbiyot buyumlarini hujjatlarsiz sotayotgan vaqtida ushlangan. Bu haqda Bosh prokuratura matbuot xizmati xabar berdi.

 Departamentning Doʻstlik tuman boʻlimi va Jizzax viloyati bojxona boshqarmasi hamkorligida oʻtkazilgan tadbirda tibbiy buyumlarni dorixona va ularning filiallaridan tashqarisida muomalaga kiritib, hech qanday hujjatlarsiz sotilayotgani aniqlangan. U tadbirkor sifatida davlat roʻyxatidan oʻtmagan.

 “Fuqaro D.R. umumiy qiymati 171,9 mln soʻmlik, 3 ming komplekt COVID-19ʻni aniqlovchi testlar, pulsoksimetr, maxsus tibbiyot kislorod maskasi va boshqa buyumlarni tuman hududidan oʻtuvchi M-39 magistral yoʻli boʻyida sotayotgan vaqtida ushlangan”, deyiladi xabarda.

 Unga nisbatan JKning 186-3-moddasi 3-qismi bilan jinoyat ishi qoʻzgʻatildi va tergov olib borilmoqda, deb yozadi xabar.uz.