Musavvir

Xayollarga cho'mib turar musavvir,
O'zicha gaplashar gung tarix bilan.
U go'yo
O'tmishning siyratin ranglarga qorib,
Qog'ozga chizadi, chizaveradi
Dardning suvratin.

Qadim bobolarning boqiy hikmatin,
Mahobatli moziy sadosin tinglab, 
O'zbekning yorqin tafakkur siyratin
Muhrlaydi kelajak kitoblariga...

Xayollarga cho'mib turar musavvir...
                                                           
   Ra'no RABBIMOVA.