Sharafli yoʻl

29 май 2021

422

Ilm-fan, madaniyat, sanoat rivoj topgan joyda odamlar birlashganlar, yashash sharoitlarnini oʻzgartirish maqsadida yanada sohalarini taraqqiy ettirishganlar. Shu sababli, ilm-fan, madaniyat, sanoat taraqqiy etgan joyda shaharlar barpo boʻla boshlagan.
Navoiy shahrining barpo boʻlishiga ham yer qaʼridagi maʼdanlaru, bebaho yer osti boyliklari sabab boʻldi. Dashtu biyobonlardagi uran, oltin konlari shaharni yanada mashhur qildi. Viloyatda shaharu qoʻrgʻonlar barpo boʻlib, zamonaviy sanoat hududlari taraqqiy etdi. Navoiy kon-metallurgiya kombinati davlat korxonasi 5-kon boshqarmasi ham oʻzining sharafli yoʻliga, tarixiga ega. Boshqarma tashkil topganligining 50 yilligini ishchiyu xodimlari, Zafarobod qoʻrgʻoni aholisi keng nishonlamoqda.
Boshqarma 1993-yilda Navoiy kon-metallurgiya kombinati tarkibiga kiritilgandan soʻng oʻzining haqiqiy taraqqiyot yoʻliga ega boʻldi. Sohaga zamonviy texnologiyalar, ilm-fanning eng soʻnggi yutuqlari, innavatsion ishlanmalar izchil tatbiq etilishi maʼsulot ishlab chiqarish koʻlamini yanada oshirish, mahsulot tannarxini pasaytirish, sarflarni qisqartirishi mkonini bermoqda.

- Hozirgi vaqtda kon boshqarmasi tarkibida toʻrtta geotexnologik konlari mavjud boʻlib, ular tomonidan 14 ta kon zaxiralari qazib olish boʻyicha ishlar amalga oshirilmoqda. Shuningdek, 2026-yilga qadar yana beshta yirik konlarni oʻzlashtirish koʻzda tutilgan.Mahalliylashtirish dasturi doirasida 2021-yilda jami 7,1 milliard soʻmdan ortiq AR-0 markali ammoniy perrinati, uran oksidini qayta ishlovchi texnologik qurilmalar va yangi tipdagi burgʻulash uskunalari uchun jami 6 turdagi tayyor mahsulot ishlab chiqarildi, deydi 5-kon boshqarmasi direktori V. Nazarov.

Kon boshqarmasi taʼmirlash-mexanika sexi sharoitida import oʻrnini bosuvchi mahsulotlarni ishlab chiqarish dasturi doirasida 2021yilda jami 743,2 million soʻmlik yangi tipdagi burgʻulash uskunalari hamda elektr choʻktirma nasos qurilmalari uchun jami 52 turdagi ehtiyot qismlar ishlab chiqarish koʻzda tutilgan. Yil boshidan hozirgi kunga qadar 49 turdagi mahsulot ishlab chiqarilgan.
Konchilar maskani boʻlgan Zafarobod qoʻrgʻoni infratuzilmasini yaxshilash va ijtimoiy rivojlantirish borasida keng koʻlamli ishlar amalga oshirildi.

2017-yilda qurilgan “Yangi hayot” sogʻlomlashtirish majmuasi qoʻrgʻonga yangicha qiyofa bagʻishladi. Mazkur majmua chin maʼnoda ishchilar va qoʻrgʻon aholisi uchun maʼnaviyat maskaniga aylandi.
Majmuada suzish basseyni, fitnes xonalar, musiqa toʻgaraklari, rassomchilik, folklor toʻgaraklari har doim navjum. Bu toʻgaraklarda yoshlar nozik sanʼat sirlarini oʻrganishadi.

“Yangi hayot” sogʻlomlashtirish majmuasida moʻjazgina kutubxona boʻlib, bu joy 15 mingga yaqin kitoblar bilan boyitilgan.

Suzish havzasi

Raqs to'garagi

- Mazkur majmua Zafarobod qoʻrgʻoni aholi va kon-metallurgiya kombinati ishchilari va oilasi uchun xizmat koʻrsatadi. Majmuada 12 ta sport toʻgaraklari, 8 ta madaniyat toʻgaraklari mavjud. Ishchilar va toʻgarak aʼzolari bilan birga majmuada jami 1500 kishi qamrab olinadi, deydi “Yangi hayot” sogʻlomlashtirish majmuasi direktori G. Yoʻldosheva.

Tasviriy sanʼat toʻgaragi qatnashchisi Feruza Tursunboyeva 3 yildan boʻyon ushbu toʻgarak aʼzosi.
- Rasm chizish menga juda yoqadi. Ulgʻayib, dizayner boʻlish istagim. Shuning uchun ustozimdan astoydil rasm chizish sirlarini oʻrganyapman, - deydi u.

Majmuada sport ishlari namunali yoʻlga qoʻyilib, chempionat gʻoliblari ham yetishib chiqmoqda:
- Faxriylar va yoshlar oʻrtasida oʻtkazilgan Oʻzbekiston chempionatida ishtirokchilarimiz 3 ta 1-oʻrin, 2 ta 2-oʻrin, 3 ta 3-oʻrinni egallashdi, -deydi sport yoʻriqchisi E. Yelmuratov.

5-kon boshqarmasi tasarrufidagi qoʻrgʻonu, sogʻlomlashtirish, maʼnaviyat, madaniyat maskanlari ishchilar, aholi uchun xizmatda. Bularning barchasi mehnatkashlarga koʻrsatilayotgan gʻamxoʻrlikning amaldagi namunasidir.